Finding Neverland

終於都睇左 Finding Neverland
唔睇唔知原本PeterPan個故事源頭係咁既wor!

突然諗起麥當娜又話寫童話故事
米高積信又話起個Neverland比小朋友
我覺得佢地有dd 眨意<小飛俠>既作者!

亂歡會+冬至

今日22號 學校亂歡會
預祝天仙賭黨VIP 既Purple姐姐生日

我特登早d出門
dim知過左大老山tunnel塞車
返到去遲到都無咩所謂
食蛋糕食左一半 跌左一半落地 都無所謂la
交換禮物 我用12包媽咪麵 換左1盒''是的糖''同2包m&m
我覺得我份禮物good d! 抽中o個個CC堅幸運!

之後亂歡會既食物食飽 就天仙賭黨VIP合照

之後去影貼紙相
之後再搭電車 去唱k
行來行去咁 又急 不過好開心
之後搭巴士就返屋企la

搭巴土唔敢訓 太''支力''la
諗返今日大家既對白
我無lala同會長up左句: 你唔好鐘意我ar!
會長 諗左諗: 做咩咁講
我: 因為我留比EDISON 個d人鐘意既!
其實我只係想講 ''聖誕假唔好掛住我!'' dim知沖出呢句野
之後 會長d行為反應好似帶點沈默 仲同我帶點距離
之前 佢講野又幫住我既wor 我諗諗下覺得有d奇怪
唔通比我up中?唔係ma!
天仙賭黨VIP真係好搞笑 又好玩
真係叫我怎麼不掛住他們呢個假期!!!

返到屋企 意想不到地 屋企人係哂到
仲話一齊食飯做冬 我好多年都未試做冬
不過我食飯o個陣
仲罵左幾句我爸爸同塞左幾句家姐
唔知點解 心入面d火開始忍唔住

到夜晚
實定24/12 同25/12 有咩節目
同Kaiyip kafai kinlo 講左兩句野 一啖啖咁 9唔搭8
d火就勁想罵爆佢地
到家下都仲罵爆佢地!

今日既心情真係大上大落

天仙賭黨VIP

我兒家返學 一到空閒時間 就同6個同學鋤D
消磨時間
賭 真係可以亂性
堅秋係一個好惡劣既活動

我地一齊成立左一個 天仙賭黨
邊個輸得最多張牌o個位魚籃 要交出$5
草草埋埋一個月既魚籃數目 下個月頭開Party!

賭緊既時候 心情好興奮 咩都唔想理
個樣又癲又衰
把口卑鄙無比
動作粗魯到死
就算輸左都覺得好開心

這種開心唔知從那裡來

我可以肯定 我一定是開始接受返學的日子及同學了

看似我 天天都在賭及玩
但我的確可以向天發誓 我堅秋用心讀書的

滄海遺珠

滄海裡埋藏著遺珠
如果用遺珠黎形容我
我只驚我其實是滄海裡的一顆細石

那首<滄海遺珠> 聽完之後
我希望我身邊有一位人 可以令我知道我有好處值得人欣賞
那我真係是一粒遺珠

因為我就是比蠢人傭人多一點自卑 少了一份自信
所以覺得自己只是一顆細石
自己都唔欣賞自己 我是無聊沒意思的人

我不是渴望有人欣賞我
我只希望有人可以令我知道我是細石還是遺珠

萬寧藥劑師

我既半邊媽話 萬寧藥劑師既細路仔好似我細個
我一睇到呢個廣告我就覺得呢個細路仔好得意
原來因為似我 HAHAHAHAHHAH
我地似個原因係因為 笑既時候對眼睛又係矇豬仔既

可能我第日個BB仔同佢一樣咁可愛ar!

下午食飽上床睡覺後反省

今日食飽晏晝o個餐
就上左床到 懶來懶去

係床上 諗緊陣間有咩野做
其實有一大堆法文 Acoount 同Law 要我去溫
但我仲諗緊幾時去睇SAW3
突然覺得自己係超懶惰

我之可以咁優閒 因為我可算是幸福
衣食無憂 食飽醉生

突然諗起第三世界既人民
仲要執垃圾 無野食
佢地同我相比之下的確係可憐
基本的衣食住行 衛生條件 知識水平 都無
又突然間 我竟然想嘗試下 餓同窮既滋味

但我可以點樣嘗試 餓同窮既滋味
我生處既地方乜都有 係一個有保障既生活
唔通真係要我 行路返學 絕食 特登著穿隆衫??
諗到呢步 我又突然有d想縮沙試餓與窮
咁樣做未免太奇怪

為左安慰自己縮沙既諗頭
就話比自己聽
只要唔好浪費 珍惜每一樣食物同錢
對得自己 對得又窮又餓既人

諗下諗下 最後在床上熟睡了

扔原子筆

點解我爸爸向我發脾氣
冷靜過後
我就諗
我覺得佢住在香港
要成功就必先控制自己既脾氣
而且鬧架發脾氣 要指明一個問題
唔通... ...
草根就係草根
脫離不了?

明明我爸爸係一個知書識文化識中國歷史還有很多很多
他是一個文化人
可惜... ...
他現在身在香港
需要的是一張香港的畢業證書
如果他小時候在香港讀書
我們便嘻嘻嘻嘻哈哈
世上是沒有如果的

他的一半人生
就是一高一低
我可以是他的袍服
我可以是他家庭的三份一
話雖如此

尋日爸爸自己心情煩躁
好衰唔衰 我扔枝筆扔中佢個頭
成晚係到發脾氣
當然我都同佢 吵左兩嘴
之後我懶得理佢... ...

這次係我印像第一次咁冷靜對付佢d野蠻
那我一定比他有更更更高成就!!
帶爸爸媽咪去旅行!!!!

俗與平凡

我知我是一個 俗氣中的一位帶脫俗的人
平凡中帶點不平凡 不平凡中的最平凡的一個

戀愛初歌

係我唯一 一隻肯用超過$20買既港產片
又係幾好睇既

我鐘意呢一幕 我即刻諗起同表哥表姐一齊去酒吧飲野聊天

仲有戲入面既側田有dd似我 唔通呢d係巨蟹座既共有氣質?

兒家覺得夾Band既女仔 真係幾型
我又要作首歌 比人知道我又幾型sin!

父子

我又自己一個睇 <父子>
雖然是很感人 但我沒有感到喊

戲入面既父母根本都未成熟
個爸爸 腦筍都未生埋 又野蠻
個媽咪 又過份自私
細路仔 最可憐的是無其他親人可以讓他投靠
我的大家庭入面 都有類似的故事
可能我已經目睹過 聽說過了 所以沒流一滴眼淚吧

我相信我將來一定是一個好媽媽 :]
所以 有家庭觀念的好男人 請跟我結婚吧!

作者: 李韻

今日無lala 見到自己之前 荒廢了的 作左一半既書

不要緊 我既創作及奇怪人生觀仲有大把貨

我有新作 你地等待及伸長條頸期待下la!