獨自一個人

我已經試過自己一個去睇戲兩次la
因為好心急去睇o個兩套戲 所以沖去買飛

以前聽Micky講 佢一個人去睇戲

我心諗: 你又會肯既?

前兩日同KaiYip傾計
我: 自己一個去睇<妄想> 都唔驚既
KY: 一個人睇咁核突?
我: 你就核突 都唔知幾瀟灑
講真 我自己一個入戲院睇戲既時候都幾驚比人撞見

上星期日同KaiYip去睇<死亡魔法> 等入場之前
我:下? 你咁早出到黎 做咩ar?
KY: 自己一個人去食壽司
我: 一個人食咁核突?
KY: 哈哈 係ar! 我仲食左9碟! d人多數食6 7碟就夠 自己一個人食已經多人望 仲要食左9碟!

點解一個人去做一d平時同朋友一齊做既野既時候 就會有一種''咁核突''既感覺?

我除左自己一個人去睇戲之外 仲自己一個人去學法文同Boxing
學法文o個到 人人都係自己一個人去上堂既 同我一樣
但學Boxing o個到 個個都一pair pair朋友咁上堂 但就我自己一個上
好似好寂寞咁 其實我係無所謂
但已經有幾個好似無人陪就會死既學員問我 做咩自己一個人學既?
我心諗: 唔得既咩?

點解有d人覺得要人陪先可以生存 無人陪就好似無朋友咁既死樣 而
唔會諗下 自己一個人去做某d事 得到唔同既感覺而滿足?

我自己一個人 和 同朋友一齊 同屋企人一齊 既感覺我都好鐘意
往往自己一個既時候 睇既野諗既野 感受到既都比較多
同朋友一齊 嘻嘻哈哈時候就多d
同屋企人一齊 著數可以攞多d

我就咁睇la
只要自己個人夠獨立 就算自己一個做咩都好 懂得享受呢種感覺
就叫獨立 同 懂得享受生活
自己一個咁核突? 自從第一次 自己一個人去睇戲之後 就無再呢種諗法

真係估唔到我可以寫d咁發人心醒既文章 hehe